يوسف عماد.. يكتب / ملف صناعة الفرص

  يوسف عماد أمين العمل الجماهيري لحزب المؤتمر

 
مقدمة :
* عايزين نعرف يعنى ايه صناعة الفرص
* بعض الشباب ان لم يكن اغلبهم بيحلم بالنجاح ويفضل منتظر فى مكانه معتقد ان النجاح هيجى لحد عنده من غير ما يتحرك او يسعى للنجاح ده
* فى اشخاص اخرين بيبدؤا يفكرو ازاى ينجحوا ويصنع النجاح ويستخدم الياته وتفكيره ومهارته الى ربنا وهبها ليه .
* احنا جايين علشان نعرف ازاى نصنع الفرص لينا ونقدر نواجه تحديات اللى بنقابلها فى حياتنا
* صناعة الفرص زى صناعة اى شىء لازم يكون فيها خطوات لتحقيق النجاح الى عايزين نوصله او نحققه
الموضوع :
* اول حاجة فى صناعه الفرص لازم نسأل نفسنا ازاى نصنع الفرصة
* يتم صناعة الفرصة عن طريق عدت خطوات منها
1- التعليم من الماضى والتجارب السابقة
يعنى لازم نخلى ديما قدام عنينا التجارب السابقة ونحولها الى خبرات علشان نقدر نستفاد منها فى اننا نكمل طريقنا
2- المحاولة المستمرة
ودي حاجة مهمة جدا هى المحاولة المستمرة دائما للوصول لصناعة فرصة النجاح الى نفسنا نحققها
3- القدوة او المثال
من خطوات صناعة الفرص لازم وضع قدوة او مثال يحتزى به وده بيجى من المحاولات المستمرة

4- التطوير
من اللازم مع التعلم والمحاولة المستمرة وكمان وضع قدوة او مثال يحتزى به يبقى لازم التطوير المستمر لقدراتك
– والى فيها بنغير فى بعض عادتنا والى يتخلينا ديما نقدر نصنع فرص كل يوم افضل من اللى قبله
س وج
س 1 ايه هو اكبر عائق للانسان لينتهز الفرصة ؟
ج 1 اكبر عائق لعدم انتهاز الفرص هو الانسان نفسه
– فالفرص مش موجودة قدام عينك لانها لو موجودة وواضحة فهى مش هتكون فرصة
– الفرص بتبقى غير واضحة وموش باينة وهنا بيجى دورك ومهارتك عشان تصنع الفرصة وده بيحصل مع تغير نفسك واقتناعك بأنك تقدر
– عندنا عبارة ديما بتتقال هى ان ده انسان محظوظ …
او قراط حظ ولا فدان شطارة …
وده تعبير غلط لازم تتخلص من كلمة الحظ ديه خالص وان احنا نحط فى دماخنا ان كلنا محظوظين
– فالحظ صفة يمكن اكتسبها عن طريق تنمية مهارتنا فى حياتنا وتغيير بعض السلوكيات وطرق التفكير
– الحظ شماعة بنعلق عليها فشلنا وعدم محاولاتنا لتطوير نفسنا وان احنا نقدر نصنع الفرصة
– الحظ بيروح للشخص الى بيستغل الفرصة ويتمسك بيها
– برضو من ضمن العبارة الخاطئة فى حياتنا ان الفرص ما بتجيش غير مرة واحدة وهى جملة خاطئة لان الفرصة ممكن تيجى كذا مرة عن طريق
تقوية علاقتك بالله …
وتحسين جسمك بممارسة الرياضة …
لتطوير نفسك عن طريقة التعليم …
اتعرف على اشخاص جداد …
وتقوية علاقتك بيهم …
تغيير بيئتك …
– مافيش حاجة ممكن تقابلها فى حياتك اكتر من الفرص طول ما فى بكره وفى امل وفى حياه هتلاقى ديما فرص فى حياتك
– ديما الفرص بترتبط بالتغيير والسعى لايجادها
– حد يقولك لو الفرصة الى جاتلك كانت جاتلى كنت قدرت اعمل حاجات كتير وقدرت اوصل منها لحاجة
– الفرصة اللى جاتلك مش هتتعوض .. غلط الفرص بتتعوض
– لازم يكون عندك اقتناع ان الفرصة الى بتدور عليها موجودة جواك
– اى فرصة بتفوتك ارميها ورا ضهرك وفكر ديما ازاى تصنع فرص تانية
– ماتقعدش تلوم نفسك وتقول انا مش قادر .. انا مش هوصل .. انا مش هعرف اعوض الفرصة .. الفرصة خلاص راحت من ايدى .
– الفرصة الى راحت لازم تعرف انك ماخسرتها بالعكس حط فى دماغك انك اتعلمت واستفدت من التجربة وانك لازم تعمل احسن منها
– ماستناش الفرصة .. اصنعها
– لازم تكون جاهز ديما لاى فرصة تانية لان الفرصة الى بتيجى بتلاقى صاحبها لازم يكون جاهز عشان يستفاد بيها .
– وللحديث بقية …………